تحتر تبرد ,,,,,

ياموتري خذ خانت الخامس من اليمنى

تحتر تبرد تـرى الاخـلاق خربانـه

والله لتمـشـي وحـنـا ماتفاهمـنـا

مـدام ميقـوع ماعقـبـت قلبـانـه

ولاتشكي الوقت حنا الوقـت ظالمنـا

ودليل ظلمه تـراك تشـوف برهانـه

ان ادبرت شدنـا يرخـي محازمنـا

نـروي بدلـوٍ يضيـع مـاه شقانـه

وننـادي أقـرب صديـق ولايكلمنـا

يبين وسم الغضب بأطـراف حجانـه


وليا أقبلت عدونـا يقضـي لوازمنـا

صداقتـه تستحـل بيـوت عـدوانـه

وعـزالله أنـاٌ مـن الدنيـا تعلمـنـا

درسٍ صعيبٍ علـى التلميـذ نسيانـه

الله يجيـب الصديـق اللـي يطمنـا

ويـش حالـة ورعٍ ببيـت جـدانـه

لـو قصدنـا البعـد مرينـا وسلمنـا

ميـر البـلا شوفـة الديـان ديانـه

وسلامتكم